CAGAYAN DE ORO CITY – Gipalig-on pa sa Police Regional Office 10 ang ilang kampanya kontra armadong pakigbisog sa CPP-NPA batok sa gobierno dinhi sa Northern Mindanao.
Kini isip counterpart sa armadong kusog sa nasud partikular sa 4th ID,Philippine Army nga maoy nakapatay sa mag-amahang Jorge Madlos alyas Ka Oris ug Vincent Isagani Madlos kuyog ang kapikas niini sa lungsod sa Impasug-ong,Bukidnon sa tuig 2021 ingon man ning tuiga.
Kini human gipatuman ni Area Police Command Eastern Mindanao commander Maj Gen Patrick Villacorte ang anti-insurgency campaign plan nga Revitalized Police sa Brgy sa pipila ka lugar nga kanhi kontrolado sa mga rebeldeng NPA.
Miingon si PRO 10 regional director Brig Gen Lawrence Coop nga 507 ka pulis ang ilang gilangkob sa RPSP aron sudlon ang pipila ka kabarangayan ug tunulan sa batakang serbisyo sulod sa unom ka bulan.
Gibutyag sa heneral nga kabahin sa tuyo sa RPSB nga alkontrahon ang recruitment,pagpangilad ug pagpangabuso sa CPP-NPA ngadto sa mga sibilyan.
