CAGAYAN DE ORO CITY, Philippines – Mikalas sa 51 ka tawo ug 223 ang angol sa labing lab-as nga opensiba sa Israel Defense Forces (IDF) sa Southern ug Eastern Lebanon.
Segun sa Lebanese Health Ministry lakip sa gibombardiyo ang mga lungsod sa Bint Jbeil, Ain Qana, Qabrikha ug Tebnine.
Migamit sa war planes, rockets ug surface-to-surface missiles ang IDF sa pagpulbos sa residential area sa duha ka rehiyon.
Lakip sa namatay ang photojournalist sa Lebanese Al-Manar TV human naigo ang iyang lawas sa airstrike.
Gipamugos sa IDF nga targetted ang ilang atake ilabe nga iladong kota sa Hezbollah Terror Group ang ilang gisalakay.
Sa pikas bahin, samtang kamulo ang opensiba sa IDF, gitadtad sa batikos ni King Abdullah II bin Al-Hussein sa Jordan ang gobyerno ni Israeli Prime Minister Benjamin Netanyahu.
Sa iyang pagtambong sa United Nations General Assembly iyang gikastigo ang tibook gobyerno sa Tel Aviv tungod sa hinawod ug hinangal nga pagpatuman sa hustisya ilabe nga mas daghan pa sibilyan ang nangamatay itande sa ilang mga kaaway.
Gitratar sa Hari ang walag-tuo nga opensiba sa Israel isip direktang pag-atake sa United Nations ug paglapas sa balaod sa Tinipong Bansa.
