CAGAYAN DE ORO CITY – Mosamit pagpiot ang mga piniriso sulod sa mga selda nunot sa laing suspected criminal case offenders nga nadakpan sa magkalahing higayon sa lower units ubos sa Police Regional Office sa Northern Mindanao.
Kini human nadakpan ang 117 ka tawo nga nakahimo sa nagkadaiyang kalapasan sa balaod.
Miingon si PRO 10 spokesperson Major Joann Navarro nga sa 117 ka dinakpan, 52 kanila ang suspected pushers ug users diin nabawian sa balor 1.3 milyones pesos nga gitoohang shabu ug drogang marijuana.
Naapil usab pagkasikop ang 46 ka indibidwal nga dunay pending criminal cases diin unom kanila nagsilbing most wanted persons.
Nakadakop usab ang lower units sa 16 ka sugarol nga nalambigit sa nagkadaiyang pormal sa ilegal nga pasugal.
Nabawian usab ang tulo ka personalidad sa walay lisensiya nga mga armas samtang usa lang ang gi-boluntaryo’g tahan atol sa house visitations alayon sa Revitalized Katok campaign sa PNP.
