Mibahad ang European Union sa gobyerno sa Israel nga putlon ang tanan koneksyon kung ipadayon nila ang pagbombardiyo sa Gaza Strip, taliwala nga adunay kasamtangang gi-plastar nga peace negotiation ang gobyerno sa Amerika, Ehepto ug Qatar aron mapatuman ang laing hugna sa ceasefire.
Namahayag si Jose Manuel Albares, Foreign Minister sa European Union and Cooperation nga dili mahimong supakon ni Israeli Prime Minister Benjamin Netantayaho ang balaod-international kalabot sa gubat ug mihangyo nga hatagan sa pagtagad ang ihap sa mga bata nga nangamatay bisan gipamugos sa Israeli Defense Force (IDF) nga igo lamang sila mipatuman sa targeted o presicion airtstrikes.
Hisayran nga kagabie, mukabat sa 52 ka tawo ang patay ug 33 niini mga bata dihang lakip sa gitirahan sa missile sa IDF ang abandunadong tunghaan sa Gaza City.
Namahayag ang Palestinian rescuers, nga ang Fahmi Al-Jarjawi School sa Al-Daraj neighborhood sa Gaza City naigo sa tulo ka higayon samtang ang mga tawo natulog.
Ang Spain ug ubang European allies naglaraw sa pagpahamtang sa mga sanksyon sama sa economic blockage ug arms embargo batok Israel.
