CAGAYAN DE ORO CITY – Napugos paghikling ang 527 ka pamilya o mil-846 ka indibidwal sa mas luwas nga mga lugar gikan sa ilang mga puy-anan sa pipila ka bahin sa rehiyon sa Amihang Mindanao.
Kini epekto sa kabangis sa bagyong Kristine taliwala nga ang sentro sa iyang puwersa halos naka-pokus sa Bicol Region ug ubang bahin sa Luzon provinces.
Miingon si Office of the Civil Defense 10 spokesperson Mhabz Galvez nga namalhin ang mga pamilya dili tungod sa pagbaha apan gumikan sa pagkadamyos sa ilang mga balay kay natumbahan sa mga kahoy gumikan sa kusog nga hangin.
Hinoon,walay namatay,samaron o nawala sa mga biktima nunot sa dautang kahimtang sa panahon.
Hisayrang una nang gisulti sa Misamis Oriental PDRRMO nga dul-an 20 ka istraktura o kabalayan ang apektado sa pagkusog sa hangin sa pipila ka lungsod sa lalawigan sa miaging mga adlaw.
