CAGAYAN DE ORO CITY – Misaka pa sa dul-ag 300 ka mga subling pagtuktok sa panimalay ang gi-operasyonan sa COCPO,diin 76 niini gipaubosa sa new house visitation.
Sa labing ulahing record, gibutyag ni C/Insp Mardy Hortillosa kinsa tigpamaba sa Cagayan de Oro City Police Office o COCPO nga mu-sumatotal na sa 284 ang ilang gitokhang.
Nasikop nila ang 56 ka durugista pinaagi sa 32 ka  nagmalampusong drug buybust operation.
Muabot sa 85 ka mga dagku ug gagmay’ng sachet sa shabu nga may gibana-bana nga street value nga dul-ag P3-milyon ang ilang nakompiskar gikan Marso 1 hangtud 15 ning tuiga.
Hisayrang gipasigarbo sa COCPO nga atol sa maong operasyon nahimong dili dugu-on itandi sa miaging hugna sa anti-illegal drugs operations sa syudad.
