CAGAYAN DE ORO CITY – Miani’g kabalaka ug kalibog sa transport groups ang 56 ka rota nga tuyo ipatuman ni City Mayor Oscar Moreno sa syudad.
Kini alayon sa gipresentar nga local public transport route plan o LPTRP sa hugpong sa mga transportasyon sa usa ka hotel ning syudad kagahapong adlawa.
Gipasabot ni Engr Nonito Oclarit,asst administrator sa Roads and Traffic Administration o RTA nga tuyo niini nga kuhaon ang pulso sa transport sector alang sa ipatuman nga bag-o ug gipalig-on nga mga rota sa public utility jeepney ning dakbayan.
Gibutyag ni Oclarit nga ang LPTRP ang pag-abag sa local transport groups ubos sa Public Utility Vehicle Modernization Program o PUVMP nga gimando ni Pres Rodrigo Duterte.
