CAGAYAN DE ORO CITY – Mitala na ang Philippine Institute of Volcanology and Seismology kon PhiVolcs sa 15 ka mga aftershocks human mitay-ug ang 6.4 magnitude nga linog didto sa Davao Occidental, alas 10:04 ang takna sa buntag.
Namahayag si PhiVolcs -10 Regional Director Marcial Labininay nga ang labing kusog nga pagtay-ug nasinatian sa 69km sa Jose Abad Santos.
Ang pag-uyog nagbaton sa gilawomon nga 60 kilomentros gikan sa episentro. Nakasinati sa Intensity IV ang Gingoog City, ug Magsaysay, Misamis Oriental; Damulog ug Kalilangan sa Bukidnon; General Santos City; Intensity III – Tampakan, South Cotabato; Kidapawan City; Makilala, ug Magpet, Cotabato; Davao City; Magsaysay, and Sta. Cruz, Davao del Sur.
Samtang Intensity II sa Cagayan de Oro City; Balingasag, Jasaan, and Villanueva, Misamis Oriental; Kabacan, M’lang, ug Tulunan, Cotabato; Columbio ug Tacurong City, sa Sultan Kudarat.
Base sa ulahing report sa PhiVolcs, subling gitay-og ang maong lalawigan sa 2.4 magnitude alas 2:20 sa hapon.
