CAGAYAN DE ORO CITY – Moabot sa 6.5 milyones pesos nga balor sa drugang shabu ang nakompiskar sa mga operatiba sa Philippine Drug Enforcement Agenct o PDEA-10 sa usa ka bugtime drug dealer nga ilang nasikop sa West Poblacion, Balo-i, Lanao del Norte.
Miingon si Agent Ramil, tigpamaba sa PDEA-10 nga ilang nasikop ang suspek nga si Jalil Akil Linog pinaagi sa ilang gilusad nga drug buy bust operation.
Nakuha gikan sa iyang posisyon ang kapig usa ka kilong drugang shabu. Asoy ni Agent Ramil nga wala nagpakita sa pagsukol si Linog atol sa ilang operasyon. Gisuta pa karon sa PDEA kon konektado sa dagkong tawo sa Lanao del Norte ang maong dinakpan.
