CAGAYAN DE ORO CITY-Patay na ang 6-anyos nga batang lalaki human ang tulo ka adlaw nga pakigbisog gumikan sa sakit nga dengue diha sa Northern Mindanao Medical Center.
Giila ang biktima nga si Raffy Uayan nga residente sa lungsod sa Lagonglong,Misamis Oriental.
Gibutyag ni Gng Genisa Uayan nga wala nila damha nga mapaakan sa lamok nga nagdala sa dengue virus ang ilang anak ilabina nga dili kini laagan ug kanunay nga limpyo.
Namugos si Uayan nga himsog ang panglawas sa ilang anak apan, nalupig kini sa kaisog sa bayrus nga dala sa dengue mosquito.
Base sa findings,nagpositibo sa dengue virus ang ilang anak hinungdan sa kamtayon niini kaganihang kadlawon.
