CAGAYAN DE ORO CITY-Patay nang naatiman sa mga doktor ang menor de edad nga lalaki nga nabanggan sa motorsiklo sa Purok 3, Brgy Dansolihon ning syudad.
Giila ang biktima nga si Dandy Jagunao, 6 anyos samtang ang suspek iyang ig-agaw nga si Andy Jagunao, 26 anyos nga pulos nagpuyo sa maong lugar.
Padulong sa trabaho ang suspek dihang giingong nagdula-dula sa dalan ang biktima hinungdan nabanggan ug nabunal ang ulo sa semento.
Gidala sa JR Borja City Memorial Hospital ang biktima apan wala na kini kinabuhi nga naatiman sa mga doktor.
Detinado ang suspek samtang gihulat ang pamilya sa biktima kon mosang-at ug kaso sa piskalya ning syudad.
