CAGAYAN DE ORO CITY- Napatay sa militar ang upat ka miyembro sa teroristang Abu Sayyaf sa laing engkwentro sa Sitio Gipitan, Brgy Bohe Pahu, Ungkaya Pukan,Basilan Province.
Gibutyag ni AFP Westmincom spokesperson Lt Col Gerry Besana nga na-engkwentro sa 3rd Scout Ranger Battalion, 64th Infantry Battalion, 18th Infantry Battalion ug 12th Division Reconnaissance Company sa pagpangulo ni Joint Task Force Basilan Brigadier General Fernando Reyeg ang grupo ni Abu Sayyaf Group sub-leader Furuji Indama.
Narekober sa militar ang upat ka patay’ng lawas sa mga bandido lakip na ang tag-as nga kalibre sa armas sama sa usa ka M14, usa ka M16 ug R4 assault rifle.
Narekober usab sa firing line ang usa ka M16 handguard; IED components; unom ka magazines sa M14; 16 ka rounds sa 7.62mm link; 17 ka rounds 7.62mm ball;cellphone ug food supplies.
Walay namatay o naangol sa panig sa militar.
