(Update) CAGAYAN DE ORO CITY, Philippines – Nagkayagaw ang Pamilyang Bolo dihang wala pa nila makita ang ilang kabanay nga si “Reymart” dihang natigayon ang pagkasunog sa ilang balay, karong gabie, sa Purok 10, Barangay Tablon, ning syudad.
Segun sa report, mibalik sa pagsulod sa balay ang namissing ug wala na mahibaw-e kung nakagawas kini dihang midako na ang kalayo ug mikatap sa balay sa ilang mga silingan.
Base sa inisyal nga imbestigasyon sa Cagayan de Oro City – Bureau of Fire Protection, gibana-bana nga anaa sa unom hangtud sa walo ka balay ang nalamoy sa kalayo.
Gibutyag sa mga nasunugan nga residente, nagsugod ang kalayo sa balay nga gipanag-iya sa pamilyang Bolo, dihang dunay mibusikad sulod sa ilang puy-anan.
Pulos gama sa light materials ang mga naugdaw nga balay.
Mikabat sa tulo ka firetrucks ang miresponde sa fire site.
Blangko pa ang mga otoridad sa hinungdan sa sunog.
