CAGAYAN DE ORO CITY – Nasunog ang unom ka balay tungod sa giingong napasagdan nga rice cooker hinungdan sa pagkamugna sa kalayo sa Macanhan,Brgy Carmen ning syudad.
Gitumbok ni BFP Carmen Station commander SFO3 Emmanuel Lucagbo nga nagsumikad ang kalayo sa pinuy-anan nga gipanag-iya ni Peter Boy Bahian ug gilayong mikaylap sa mga katupad nga silingan.
Gawas kang Bahian,naugdaw usab ang pinuy-anan ni Floremae Canillas;Alfredo Balatero ug Melquisidec Bahian.
Nagbaton usab sa partial nga damyos ang mga balay nila ni Panchito Hubaran ug Jovel Carlito.Apektado usab sila si Nerely Gabe;Rhian Racoma;Alan Pelonio;Angeline ug Kirby Salintao.
Hinoon,walay kinabuhi nga nakalas apan may pipila ka residente nga nakaangkon sa minor injuries.
Mitala sa 200-mil pesos ang structural damage ang sunog.
Samtang gilayong gitunulan sa relief goods sa CSWD ang mga biktima sa nasunugan aron masabutan kon angay ba sila nga magpabilin sa luna sa ilang mga pinuy-anan o mobalhin na sa relocation site.
Kini ang tahas ni Maricel Lariosa nga natahasan sa city hall nga personal sutaon ang kahimtang sa mga trahedya.
Una nang naugdaw ang usa ka balay ug laing lima ang nakaangkon sa gamay nga damyos lamang.
Hisayrang sa miaging semana,sunod-sunod nga mga sunod sa pipila ka bahin sa syudad ug lalawigan.
