CAGAYAN DE ORO CITY – Gikasuha’g kriminal ug administratibo ang unom ka brgy kagawad ingon man ang ilang kaugalingong tresurero sa Office of the Ombudsman-Mindanao nga nakabase diha sa Brgy Kauswagan ning syudad.
Maoy gikasuhan ni incumbent Barra Brgy Kag. Jonas Bustamante ang iyang mga kauban nga sila Konsehales Teddy Caingin kinsa chairman sa Bids and Awards Committee;Emmanuel Bersabal;Mark Gregory Donque;Pepe Bual;Dindo Donque ug Jim Mabao.
Nagsumikad ang kasong pagsupak sa anti-graft and corrupt practices act,grave misconduct,serious dishonesty,falsification of public documents ug kasupakan sa Republic Act 9184 tungod sa pagpalit sa ‘filling materials’ nga balor sa halos milyon ka pesos nga wala moagi sa bidding.
Nalatid usab sa pasangil sa complainant nga pakyas malatid sa Philgeps website ang maong transaksyon.
Sa pikas bahin,kanunay’ng bukas ang sibyahan sa Bombo Radyo alang sa pagdungog sa panig sa mga sinumbong kabahin sa maong isyu.
