CAGAYAN DE ORO CITY, Philippines – (update) Gikompirmar ni Interim General Manager Fermin Jarales ang rekomendasyon sa extension sa trabaho sa LWUA Appointed Officials nga kasamtangan, nakadeploy sa Cagayan de Oro City Water District (COWD) – Main Branch, ning syudad.
Gibutyag ni Jarales nga ang rekomendasyon sa laing unom ka bulan, nagsumikad sa findings sa LWUA sa lapad nga mismanagement, ug gross negligience sa kanhi water district Manager Engr Tony Young, kuyog sa iyang kanhi board of directors sa paghawid sa Sistema sa panubig sa syudad.
Kini gilakipan sa walay kasulbaran nga hugaw nga tubig sa Brgy Lapasan, Corrales Avenue, lakip na ang hinay ngadto sa walay agas nga tubig sa Westeng bahin sa syudad.
Gawas niini, nakita usab sa imbestigasyon sa LWUA nga depektoso nga financial inventories, ug uban pang isyu sa pinansyal nga gisudlan sa kanhi opisyal sa water district ning syudad.
