Unom ka mga Cagay-anon nga boksidor ang nakasulod sa finals alang sa Sandugo National Amateur Boxing Championship sa Bohol karong bulana.
Namahayag si Coach Elmer Pamisa, Head Coach sa Cagayan de Oro Riser Amateur Boxing Team, nga 4 ka lalaki ug 2 ka babaye gikan sa Cagayan de Oro Riser Amateur Boxing Team ang milampus sa ilang away.
Naghulat nalang ang unom alang sa final round.
Hisayran nga 11 ka boxidor usab sa siyudad ang niapil sa semifinal round, sa miaging gabie. Dugang pa ni Pamisa, kasamtangan, nabulsa sa CDO ang 19 ka medals gikan sa maong torney.
Sa 22 ka boxidor nga gipadala, 3 ra ang wala pa makakuha sa medalya. Anaa sa maayong kondisyon ang mga atleta ug inspirado nga mu-away aron hatagan sa dugang dungog ang syudad.