CAGAYAN DE ORO CITY – Nagbaton na lamang sa usa ka pasyente nga positibo sa coronavirus disease o COVID-19 ang naka-confine sa Northern Mindanao Medical Center o NMMC ning syudad.
Gibutyag ni NMMC Hospital Director Dr Jose Chan nga sa walo ka pasyente,unom kanila ang pulos naka-gawas na samtang may nabiling usa nga naghulat sa confirmatory test result sa iyang kahimtang.
Dugang ni Chan nga unta sama sa unom ka pasyente,mo-negatibo usab ang resulta bisan wala pa giubsan sa gobierno ang alerto batok sa maong balatian.
Sukad dunay gi-admit nga COVID-19 positives sa NMMC,usa pa lamang ang namatay nga pasyente nga naggikan sa Lanao del Sur niadtong Marso ning tuiga.
Samtang sugdan na ang pagpanghatag sa libre nga face mask nga alang sa mga residente sa dakbayan ugmang adlawa.
Kini kabahin sa hugot nga health security protocols nga gipatuman aron may panagang ang ang katawhan sa batok sa coronavirus disease ning syudad.
Miingon si City Mayor Oscar Moreno nga kinsa kadtong mapakyas pagsul-ob sa face mask nga maglakaw-lakaw sa mga pampublikong lugar ang dunay ipahamtang nga silot.
