CAGAYAN DE ORO CITY -Mag-atubang sa kasong pagsupak sa Dangerous Drugs Act of 2002A ang unom ka suspected drug pushers nga nadakpan sa hiniusang operasyon sa kapolisan ug militar sa Purok 3,Brgy West Kilikili,Wao,Lanao del Sur.
Giila ni Police Regional Office-Bangsamoro Autonomous Region Director Brig Gen Allan Nobleza ang mga dinakpan nga sila Corina Mabitasan;April Rose Natividad;Alvin Lagasca;Brando Natividad;Jeyson Francisco ug Omar Amerol,pulos legal ang edad nga nagpuyo sa maong lungsod.
Nabawi gikan sa mga dinakpan ang unom ka gitoohang shabu nga dunay 16 gramos nga timbang ug may balor nga 108-mil ka pesos ingo man ang ubang mga ebedensiya.
Nasuta nga suspected drug den ang nabungkag sa hiniusang operasyon sa PNP ug AFP nga gitoohang dugay nang gidumala sa mga sindikato nga nagpayuhot sa ilegal nga droga sa lugar.
