CAGAYAN DE ORO CITY-Gibalhog na sa Maharlika Detention Cell ang laing unom ka durugista nga nadakpan sa Divisoria Police Station-1 sulod sa usa ka drug den sa San Isidro Labrado Brgy Lapasan ning syudad.
Giila ni Divisoria Police Station commander C/Insp Maricris Mulat ang mga dinakpan nga sila Ramil Katortol, 40 anyos, taga Camiguin, Iman Lagare ug Renan Francisco, pulos taga Brgy Lapasan ug sila Rey Abao ug Jumel Cartaneja, pulos mga panday nga nagpuyo sa Brgy. Bulua sa syudad.
Lakip usab nga nasikop ang usa ka 17 anyos nga babayeng menor de edad.
Ang maong operasyon epekto sa gipakusog nga PNP’s double barrel alpha reloaded nga gipatuman dinhi sa syudad.
Ipasaka ang kasong pagbaligya’g gidiling droga sa piskalya batok sa ka mga suspek sunod semana.
