CAGAYAN DE ORO CITY-Padayon nga nagpaalim sa ospital ang 9 sa 13 ka pasahero nga naangol human mabalintong ang gisakyang de-pasayruang jeep sa Brgy Lumbia ning syudad.
Sumala sa witness nga si Emma Magriña nga natingala sila sa dihang kalit nakadungog sa boto gikan sa jeep ug nabalintong.
Nagtoo si Magriña nga miboto ang brake sa PUJ hinungdan nga nabalintong kini.
Hisayran nga maoy karga sa jeep nga gimaneho ni Jerson Oblad ang mga mais, nangka ug uban pang lagutmon nga padulong unta sa Carmen Public Market.
Samtang nagpasalamat ang usa sa mga pasahero sa nabalintong nga wala makuha ang 6 ka bulan niyang gimabdos tungod sa aksidente.
Sumala ni Lilibeth Dumapias, 30-anyos, taga Baungon Bukidnon nga maoy iyang gi-seguro nga maprotehiran ang iyang anak hinungdan nga nabunal ang iyang ulo sulod sa PUJ.
Si Dumapias ang nakaangkon og bun-og sa kalawasan ug padayon pang nagpaalim sa balay-tambalanan.
