CAGAYAN DE ORO CITY-Dul-ag P300mil pesos nga street value sa druga ang nasanta sa joint buybust operation sa PDEA-Northern Mindanao ug Lanao del Norte Police Provincial Office.
Unom ka mga drug personalities nga nalakip sa no.6 Target Listed personality sa Iligan City ang nasikop.
Kini gilakipan nila Roy Anchez Lonoy, ang prime target, Dharryl Alumbro, Robert Anchez Lonoy, Julie Ann Reyes Bansag, Lea Ramirez ug Matteo Yerro Go.
Narekober sa mga suspek ang 13 ka ihap sa plastic sachet sa gitoohang shabu nga mitimbang sa 40 gramos ug buybust money nga P500.
Gidala sa Cagayan de Oro City ang mga suspek ubos sa kustodiya sa PDEA-Northern Mindanao.
