CAGAYAN DE ORO CITY -Gikompirmar ni 4th ID commander Maj Gen Welbur Mamawag nga dunay unom ka lungsod nga ubos sa ilang area of responsibility nga magsilbing hot spot sa umaabot piliay ning tuiga.
Kini subay sa direktang ebalwasyon sa ilang tropa nga nakatutok sa mga rehiyon sa Northern Mindanao ug Caraga.Apan gipasabot sa heneral nga ila kining masulti sa publiko kon molugwa na sa pinal nga listahan ang Comelec -Manila nga naka-iskedyul ning adlawa.
Gibutyag ni Mamawag nga may giporma na usab sila nga task force aron moabag sa PNP alang sa paghatag seguridad sa piliay.
Samtang gipasidan-an ni Mamawag ang iyang mga sundalo nga likayan ang pagsilbing partisan sa politika.Gihimo sa heneral ang pasidaan nunot sa kasamtangang pagpangampanya sa local candidates sa Mayo 9 nga piliay.
Gibutyag ni Mamawag nga trabaho sa mga sundalo ang paghatag proteksyon sa estado ug dili ang pagdapig sa bisan kinsa nga mga kandidato.
