CAGAYAN DE ORO CITY – Mitahan sa militar ang unom ka sakop sa teroritang Maute-ISIS nga kabahin sa miatake sa Marawi City tuig 2017.
Gibutyag ni 103rd IB,Philippine Army commander Col Jose Maria Cuerpo II nga maoy mitahan si Pacalinog Bantogaranao,32 anyos nga sumusunod ni Maute-ISIS sub commander Maide Maute.
Dugang ni Cuerpo nga miuban pag-surrender kang Pacalinog sa militar sila si Monib Padati, Batalo Hajicaya, Tokiin Cuaro, Micky Hajicaya ug Mobarak Hajicaya.
Gitugyan usab nila sa militar ang M-16 Armalite rifle, KG9 sub machine gun, magazines ug mga bala gikan sa ilang pagtagu-tago sa Lumba Bayabao,Lanao del Sur.
