CAGAYAN DE ORO CITY- Balhog na unta sa prisohan ang unom ka mga suspek nga gitudlong responsable sa pagdagit sa usa ka magtutungha sa Rotunda sa Iligan Medical Center College Barangay Pala-o sa Iligan City.
Giila ang biktima nga si Nasrula Naseer 20 anyos, nagtungha sa Iligan Captol College ug nagpuyo sa Purok 2 , Libertad, Kauswagan, Lanao del Norte.
Segun sa Iligan City Police Office,pugsanong gipasakay sa usa ka kolor maroon nga sakyanan nga dunay plaka HOH-888 ang biktima.
Pinasikad sa hot pursuit operation sa mga kapulisan gilayong nadakpan sila Abdul Azis Diagtor, 30 anyos ang driver, Loma Sultan, 42,Musa Maamor Uti, 46,Gara Mala 30 anyos ,Malik Maamor 31, ug Jamalodia Musa 20, nga pulos mga tagbalay sa Bangko Matungao Lanao del Norte.
Hinoon, pulos gipangbuhian ang mga suspek kay wala nay plano nga mupasaka ug kaso ang pamilya sa biktima.
