(Update) CAGAYAN DE ORO CITY – Napasaka na ang kasong pagsupak sa anti-carnapping law;illegal possession of firearms ug paghupot sa ilegal droga batok sa unom ka suspetsado sa piskalya ning syudad.
Kini human unang nasapon ang mga suspek samtang sakay sa duha ka mga sakyanan sa Quarantine Control Point sa Brgy Puerto ning syudad sa miaging kadlawon.
Giila ni Police Regional Office 10 spokesperson Lt Col Michelle Olaivar ang mga dinakpan nga sila Nilo Baterna Jr,30 anyos;Jalapodden Itto,34 anyos;Ned Labuntog III;26 anyos; Jehad Guindo;32 anyos; Irrey Jun Planas,37 anyos ug Jean Gamil,40 anyos nga pulos nagpuyo sa Lanao del Norte.
Gawas sa mga kuwestiyonabli nga sakyanan nga Toyota Hi-Ace Van ug Ford Raptor Pick,nakompiskar usab an lima ka short firearms sama sa Caliber 380 pistol, duha ka Caliber 40 pistol, tag usa ka 9mm Glock pistol; 9mm UPP brand pistol ug assorted nga mga bala.
