CAGAYAN DE ORO CITY – Atubangan sa unom ka tawo ang patung-patong nga kaso nga nadakpan sa kapolisan sa ilang gilusad nga One Time Big Time Checkpoint diha sa Upper Puerto ning syudad kaganinang kadlawon.
Apan nagdumili una ang kapolisan sa pagbutyag sa pangalan sa mga dinakpan aron dili mabalda ang ilang follow-up operations.
Lulan sa Toyota Hi-Ace ug Ford Raptor ang mga suspek nga gikan sa General Santos City sa dihang na-intercept kini sa kapolisan sa Quarantine control checkpoint.
Nakuha gikan sa ilang posisyon ang lima ka short firearms nga gilangkuban sa usa ka Caliber 380 pistol, duha ka caliber 40 pistol, usa ka 9mm Glock pistol ug usa ka 9mm UPP brand pistol uban sa ubay-ubay’ng mga buhing bala.
Apil sa nakuha sa kapolisan ang usa ka pakete sa gitoohang shabu ug drug paraphernalia.
Nasuta usab nga kinawat ang mga sakyanan nga dala sa mga suspetsado.
