Unom ka lawas ang narekober sa dapit diin nag-crash ang Super Huey Helicopter, sa Loreto, Agusan del Sur.
Gibutyag sa Eastern Mindanao Command, gituohan nga ang mga lawas mao ang piloto ug mga crew nga sakay sa eroplano sa dihang nahitabo ang aksidente.
Sa pagkakaron, wala pa gipahibalo ang mga ngalan sa mga namatay samtang nagpadayon ang proseso sa pagpahibalo sa ilang mga pamilya.
Una niini, nadiskobrehan nga ang eroplano nawad-an sa komunikasyon samtang paingon sa Butuan aron sa pagpatuman sa Humanitarian Assistance and Disaster Response (HADR) operations sa wala damha nga aksidente.
