CAGAYAN DE ORO CITY – Nakasinati sa ‘side effects’ ang unom ka personahe sa Northern Mindanao Medical Center o NMMC samtnag gilusad sa Sinovac vaccination rollout batok COVID-19 sa syudad.
Kini human dul-an sa 600 ka NMMC healthcare workers na ang nabakunahan sukad gilusad ang seremonya sa miaging adlaw.
Gibutyag ni NMMC liason officer Dr Bernard Rocha nga hinoon normal lamang ang side effects tungod sa pagsilbing unique sa tagsa-tagsa ka panglawas sa tawo.
Anaa sa mil – 820 ka NMMC personnel ang gitakdang ipaubos sa pagbakuna tungod sa ilang pag-atiman sa mga pasyente nga positibo sa bayrus.
Samtang misugod na ang ubang publiko ug pribadong ospital sa Sinovac vaccination rollout dinhi sa syudad ug ubang bahin sa rehiyon.
Kini human nahatod na sa Dept of Health 10 ang alokasyon sa mga bakuna alang sa healthcare workers sa mga ospital nga midawat sa mga pasyente nga positibo sa coronavirus.
Gibutyag ni DoH-10 Public Relations Officer Emiliano Galban Jr nga kabahin sa nakasugod na ang Madonna and Child Hospital, Maria Reyna Xavier University Hospital ug ang gawas sa Cagayan de Oro nga mga tambalanan.
Hisayrang anaa sa 17-mil 400 ka doses sa Sinovac vaccines ang alokasyon sa rehiyon diin 15 ka ospital ang nagbahin-bahin niini.
