Unom ka mga pares sa Persons Deprived with Liberty (PDLs) ang nagpakasal sa mass wedding nga gipasiugdahan ni Rev. Fr. Andy Tampus sa Prisoners’ Welfare Ministry, Diocese of Iligan.
Giila kini nga milestone sa paghatag sa katungod sa pamilya ug dignidad sa mga PDL.
Si Jail Chief Inspector Carmelo A. Corsame, warden sa male dormitory, miingon, “Love and transformation know no walls”.
Iyang gipamugos nga kini nga kalihukan maoy kabahin sa sa rehabilitation efforts sa BJMP alang sa moral ug espirituwal nga kaayohan sa mga inmates.
“Hope and love can flourish even within confinement,” kini ang gibutyag ni Jail Inspector Marivic D. Vergara, warden sa female dormitory.
Alang kaniya, dakung kapasidunggan ang pagpakasal sa mga PDLs kay nakapadasig kini sa ilang maayong koneksyon sa matag usa ug sa Kahitas-an nga mugiya sa ilang namugna nga relasyon.
Ang kasal gitambongan sa mga pamilya, jail personnel, ug mga bisita nga nagpamatuod sa pagbati nga walay babag bisan sa sulod sa prisohan.
