Misaka pa sa unom ka tawo ang namatay ug 14 pa ang nasamdan human ang usa ka passenger bus nahulog sa pangpang sa La Paz department sa Bolivia.
Nahitabo ang aksidente sa Tolapampa district sa Apolo municipality diin ang dalan nadaot tungod sa ting-ulan.
Ang hinungdan sa aksidente anaa pa sa imbestigasyon sumala sa lokal nga media.
Si Apolo Mayor Rully Jimenez, opisyal sa maong lugar, miingon nga ang mga residente mitabang sa pag-atiman sa mga biktima.
Daghan sa mga nasamdan anaa pa sa seryosong kondisyon sa mga sentro medikal sa siyudad.
