CAGAYAN DE ORO CITY-Naghiusa’g puwersa ang PNP ug AFP sa pagpangita sa armadong mga suspek nga mi-ambush patay sa unom ka tawo nga gilakipan sa lima ka sakop sa PDEA-ARMM sa Brgy Malna,lungsod sa Kapay,Lanao del Sur.
Kini human kompirmaha ni PNP-ARMM regional director C/Supt Graciano Mejares nga napatay sa wala mailang mga suspek ang PDEA agents nga mihimo’g drug symposium sa maong lugar kagahapong adlawa.
Miingon si Mejares nga kabahin sa namatay sila si PDEA agents Kenneth Tabulo,Kristine Mae Torlao,Lores Joy Amar,Binzo Dipolla ug
Diobel Pacinio nga unang nadala sa Amai Pakpak Medical Center Marawi City.
Nagtoo ang mga otoridad nga hinimuan sa suspected drug dealers ang ambush ilabina nga dagha’g nadakpan ang PDEA ug PNP diin ang ulahi ang usa ka board member sa Lanao Sur ug city councilor sa Marawi City sa miaging Setyembre ning tuiga.
