Patay ang 6 ka tawo lakip ang usa ka surgeoon ug 13 anyos nga batang lalaki human maigo sa Israeli airstrike ang Nasser Hospital sa Gaza.
Sumala sa Gaza Health Ministry, kapin ka 40 ka tawo ang nasamdan, lakip ang duha ka doktor nga anaa sa kritikal nga kondisyon.
Naigo sa pag-atake ang surgical wing sa balay tambalanan nga nagresulta sa dakong kadaot sa mga operating room ug uban pang medikal nga pasilidad.
Sumala usab sa Israeli military, target sa maong operasyon ang usa ka Hamas commander ug uban pang militanteng grupo.
Bisan pa niana, wala nalakip sa mga namatay ang maong commander.
Tungod niini, nagpadayon ang kabalaka sa kaluwasan sa mga pasyente ug medical workers, ilabi na nga usa ang Nasser Hospital sa mga nag-unang balay tambalanan nga nagpabiling operational sa Gaza. (raniel mahunyag)
