CAGAYAN DE ORO CITY-Patay ang unom ka Maranao-Muslim samtang 9 ang samaran sa panagbangga sa military fighting vehicle ug Hi Ace van diha sa Purok 15,Poblacion Manticao,Misamis Oriental.
Dead on the spot ang lima ka pasahero nga sila si Hadji Amin Bangcola,drayber sa van; Hadji Latiff Macaumbos; Rey Dacoa Mancao; Siete Guimba ug usa ka unidentified victim samtang dead on arrival sa ospital ang usa ka Jocelyn Oclarit Baldoz.
Matud ni PO2 Mario Aniñon, imbestigador sa Manticao Municipal Police Station nga nag-overtake ang military fighting vehicle nga gimaneho sa usa ka Staff/Sgt Danny Tenezo sa usa ka trailer van nga nagresulta sa dugoong aksidente.
Samtang pursigido ang pamilya sa mga namatay nga pasakaa’g kaso ang sundalo nga nakabangga-patay sa 6 ka Maranao.
Si PO2 Mario Aniñon, imbestigador sa Manticao Municipal Police Station miingon nga gikuha na sa tagsa-tagsa ka pamilya ang namatay sa aksidente aron malubong diritso.
Gani, nagtoo si Aniñon nga ipasaka sa pamilya sa mga namatay nga pasakaa’g kasong reckless imprudence resulting to multiple homicide ang drayber nga si Tenezo.
Hisayran nga padulong sa Iligan City ang mga biktima sa dihang nabanggaan sa military fighting vehicle nga padulong unta sa Laguindingan Airport aron magkuha’g logistical supply.
