CAGAYAN DE ORO CITY – Dili lang tulo apan unom na ka documented pertussis cases ang Northern Mindanao sulod ning tuiga.
Kini human isulti ni Jasper Kent Ola,registered nurse sa Regional Epidemiology, Disaster Response Unit o RESDRU sa Department of Health 10 nga may tag-usa ka kaso na usab niini gikan sa Ozamiz City, Misamis Occidental;Lantapan,Bukidnon ug Opol,Misamis Oriental.
Namahayag si Ola nga sa unom ka kaso,duha sa maong mga bata ang positibo sa pertussis diin ang usa gikan dinhi sa dakbayan.
Nasuta usab nga pulos walay bakuna ang mga biktima rason sa dali pagtakboy sa maong sakit.
Apan giklaro sa DoH 10 nga walay bisan usa ka lugar nga nagka-outbreak sa pertussis bisan sa unom na ka kaso niini.
Hisayrang nagkatag ang impormasyon nga nagka-outbreak ang Cagayan de Oro City apan kusganon kining gipamalibad sa City Health Office.
