Buksan sa Philippine Economic Zone Authority o PEZA ang dugang unom ka bag-ong economic zones ning tuiga.
Kapin sa 5-bilyon pesos ang ang gihulatan sa PEZA aron hatagan sa katumanan ang ilang bag-ong mga proyekto.
Miingon ang ahensya nga presidential proclamation nalang ni Pres Ferdinand Marcos Jr ang kulang aron matukuran sa ecozones ang duha ka lugar sa Cavite province ug tag-usa sa mga probinsya sa Pampanga, Tarlac, Ilocos Sur ug Cebu.
Unod sa proyekto ang pagtukod sa Information Technology Park, tulo ka manufacturing zones, duha ka expansion sa natukod nga mga gambalay sa mga manufacturing zones.
Subay sa data sa PEZA, misaka pa sa 22 ka ecozones ang naproklamar ubos sa Marcos administration diin sa ning tuiga sa 11 ka naproklamar, nabubuan gilayon kini sa balod 2-billion worth of investment.
Sa labing ulahing data sa ahensya, anaa na sa 427 economic zones nationwide ug 4,382 locator companies ang gi-manage sa PEZA.
Namugna ang economic zones pinaagi sa Republic Act 7916 o mas naila isip Special Economic Zone Act of 1995 diin gimanduan ang PEZA nga magmugna sa pinili nga mga lokasyon isip special economic zones aron ipalambo ang agro-industrial, industrial tourist/recreational, commercial, banking, investment ug mga financial centers.
Ang presidente lamang ang dunay gahom nga makaproklamar sa usa ka lugar isip special economic zone.(Bombo Anne Quileste).
