CAGAYAN DE ORO CITY – Pilian sa selection committee sa Camp Crame ug Kampo Alagar ang inisyal nga unom ka police officials nga aplikante sa pagka-city director sa Cagayan de Oro City Police Office o COCPO ning syudad.
Kini human pulos nagpadayag sa ilang interes nga mosilbi isip hulip ang maong wala una panganli nga police officials sa nabakanteng puwesto ni late City Director Police Col Nelson Aganon sa COCPO.
Miingon si Police Regional Police Office spokesperson Police Lt Col Surkie Serenias nga upat sa maong mga aplikante ang gikan sa Camp Crame samtang laing duha ang nagsumikad mismo dinhi sa rehiyon.
Dugang ni Serenias nga gikan sa unom,tulo kanila ang ibutang sa short list aron pilian ni City Mayor Oscar Moreno nga mahimong acting police director sa dakbayan.
Si Aganon ang na-coma sulod sa 13 ka adlaw dihang nadisgrasya sa iyang final jump sa motorcycle course training sulod sa Camp Evangelista ning syudad sa miaging Mayo 2019.
