CAGAYAN DE ORO CITY- Kasuhan sa qualified theft ang bus konductor nga si Payjie Peral, taga-Laguindingan samtang conspiracy of qualified theft, estafa ug falsification of private documents silang Jinggoy Arana, residente sa Poblacion Tagoloan ning lalawigan, Rudy James Llagas ug Jeffrey Bagul nga taga Cagayan de Oro.
Gibutyag ni Cogon Police Station commander Capt. Ernesto Sanchez nga mireklamo ang RTMI bus company nga may empleyado silang gahimo sa peke nga ticket rason nga gilusad ang entrapment operation sa mga computer shop sa Pabayo Chavez, Brgy 3 ning syudad.
Dugang ni Sanchez nga miabot na sa kapin kon kulang usa ka milyon ang naalkansi sa kompanya tungod sa gihimong binuang sa mga suspek.
Una nang nagpatabang ang RTMI-Yacapin Branch sa PNP ug NBI rason nga gilusad ang operasyon batok sa mga suspek.
