CAGAYAN DE ORO CITY – Ipasaka sa kapolisan ang patung-patong nga kaso batok sa unom ka sakop sa napatay nga gun for hire suspect nga napatay sa joint police units sa Brgy Lilod,Marawi City.
Kini human na-neutralize sa PNP ang notorious suspect nga si Abdullah Taurac,40 anyos nga responsable sa sunod-sunod nga pagpamusil-patay sa Lanao del Sur ug Marawi City.
Miingon si Lanao del Sur Provincial Director Col Madzghani Mukaram nga gisilbi sa tropa ang warrant of arrest batok kang Taurac dihang misukol hinungdan sa pinusilay.
Sa wala pa napatay ang suspek,naigo usab si PNP-SAF member Police Staff Sgt Reagan Salbino nga namatay ra usab sa ospital ug samaron si Police Staff Sgt Mohaimen Urandig.
Mag-atubang sa kasong pagbaligya sa ilegal nga droga,illegal posssession of firearms ug explosives sa mga suspek nga si Nojuma Habid Hangantak,Benjamin Datusaranao,Datu Alabi,Nasmah Datu Alabi,Hamja Habid Hangantak,Kashim Habid ug Abdul Asis Habid Hangantak nga arestado sa maong operasyon kagahapong sa kadlawon.
Narekober sa crime scene ang usa ka kalibre 45 nga armas, granada, laing 40 calibre pistol ug wala pa masuta nga gidaghanon sa mga pakete sa shabu.
