CAGAYAN DE ORO CITY-Gipanguluhan ni Cagayan de Oro Archbishop Antonio Ledesma ang paglusad sa katapusang panihapon nga gilambigitan sa 12 ka apostoles diin unom niini ang kanhi durugista nga mitahan sa Oplan Tokhang sa San Agustin Cathedral sa syudad.
Si Ledesma miingon nga dili lamang kutob sa pagdumdom ang mga kristiyano sa pag-antos ni Kristo apan ang kahulugan niini.
Gipasabot ni Ledesma nga gipili nila ang unom ka Tokhang surrenderees tungod sa dako nila nga pag-abag sa gobierno kabahin sa mga tawo nga nagumon sa gidiling droga.
Una niini,gibutyag sa Tokhang surrenderee nga nagdala sa papel ni Apostoles Andres nga dili niya masabot ang iyang gibati nga nakaapil sa katapusang panihapon diin gihugasan ug gihagkan sa mga pari ang ilang mga tiil.
Samtang gihagit ni Ledesma ang mga deboto nga mahimong instrumento sa kinabuhi ni Kristo alayon sa pagbalaan sa adlaw’ng Biyernes Santo.
Kini ilabina sa pagdumdom sa mga kasakit ni Kristo panahon nga siya gilangsang ug gipapas-an sa iyang krus.
Si Ledesma miingon gipabati ni Kristo ang ilang pagsakripisyo nga walay makatupong tungod kay nagpakamatay siya para sa maluwas ang tanan katawhan ning kalibutan.
