Gipadayag ni Senador Ping Lacson nga kasagaran 40% ra sa pondo sa flood control projects ang tinuod nga nagamit para sa konstruksyon.
Ang nahibilin nga 60% giingong gikatag sa mga district engineers, Bids and Awards Committee, ug uban pang opisyal pinaagi sa kickback.
Matod pa niya, 8–10% ang gikuha sa mga district engineers, samtang 5–6% ang para sa mga miyembro sa Bids and Awards Committee.
Aduna usab kunoy 2–3% nga gikuha gikan sa sobrang kita sa kontraktor, ug 0.5–1% ang giapod-apod sa Commission on Audit.
Ang labing dako nga bahin, 20–25%, gihatag sa funder o politiko nga nangita sa pondo para sa proyekto.
Kini nga sistema, sumala sa senador, usa ka dakong babag sa epektibong pagpahigayon sa mga proyekto sa pangbaha.
