CAGAYAN DE ORO CITY – Biyaheng South Korea na ang pasiuna nga 60 ka container vans nga sudlan sa mga basura nga iya sa Verde Soko Philippines nga unang nasapon diha sa lungsod sa Tagoloan,Misamis Oriental sa umaabot adlaw’ng Domingo.
Kini human mahidangat na ang barko nga gitahasan sa South Korea aron paghakot sa mga basura nga gilabay sa lalawigan niadtong tuig 2018.
Miingon si Mindanao Container Terminal o MCT port collector John Simon nga himoon ang seremonya niini sa mismo nila nga pantalan sa Tagoloan.
Himoon usab ang laing paghakot sa mga basura pabalik Korea sa petsa 9 sa Pebrero ning tuiga.
