Gi-anunsyo ni US Vice President JD Vance nga opisyal nang nagsugod niadtong huwebes ang 60-day window alang sa kasabutan tali sa Amerika ug Iran.
Kini human aprobahi ni Presidente Donald Trump ug sa mga lider sa Iran ang usa ka memorandum of understanding (MOU) nga nalangan og pirma tungod sa kalainan sa oras sa duha ka nasod.
Sumala pa ni Vance, naglakip sa maong kasabutan ang baruganan sa US nga kinahanglang libre sa bisan unsang bayranan o toll ang mga internasyonal nga agianan sa tubig.
Gidugang usab niya nga gihan-ay na ang iyang pagbiyahe paingon sa Switzerland karong hinapos sa semana aron sugdan ang pormal ug teknikal nga mga negosasyon sa maong kasabutan. (riza budlao)
