Mi-petisyon ang mukabat 60 ka manufacturers sa Department of Trade and Industry aron mOpatuman sa umento sa singil sa ilang produkto.
Usa niini ang grupo sa Philippine Federation of Bakers’ Association o PFBA kinsa grabeng naapektuhan sa pagsaka sa presyo sa gasolina, harina ug itlog.
Apan nagpadumdum ang DTI nga kinahanglan dili mulapas sa 10% ang increase ang presyo sa ilang produkto gikan sa suggested retail price.
Gitin-aw kini ni DTI Sec. Cristina Aldeguer-Roque human gawas sa mga grupo sa panaderya, laraw usab nga mupatuman sa usbaw ang tigama sa canned goods, sama sa sardinas, noodles ug bottled water.
Pulos rason sa mga manufacturers ang ilang dakung lugi sa naglabay nga bulan epekto sa kamahal sa logistics ug raw materials sa ilang produkto.
Busa sa pag-abot sa bulan sa pasko, lauman ang pagsaka sa presyo sa pipila ka batakang palaliton.(Bombo Anne Quileste).
