Gibutyag ni House Deputy Speaker ug National Unity Party (NUP) Chairman Representative Ronnie Puno nga kapin sa katunga sa 55-ka miyembro sa ilang partido ang misuporta na sa impeachment complaints batok ni Bise Presidente Sara Duterte.
Sumala ni Puno nga magpahigayon pa sa usa ka round sa konsultasyon ang mga kongresista uban sa ilang mga sakop sa dili pa ang botohan karong Lunes, Mayo 11.
Giangkon ni Puno nga sa sinugdanan negatibo ang panan-aw sa kadaghanan sa partido, apan karon klaro na nga mayorya, nga anaa sa 30-ka miyembro, ang pabor nga ipadala ang reklamo sa Senado.
Gibug-aton usab sa NUP nga ang ilang mga miyembro mogamit sa “conscience vote” sa isyu sa pagpahawa sa Bise Presidente
