CAGAYAN DE ORO CITY – Gikatag sa incident mngt team ang anaa sa dili mo-ubos 600 ka personahe nga gilangkuban sa kapolisan,militar,health,rescue responders ug force multipliers aron paghatag seguridad sa pagdagsa sa katawhan sa pilgrimate sites sa syudad sugod kaganihang kadlawon.
Kini sa tuyo nga masiguro nga hapsay ug walay dagkong mga kasilik-an nga masugatan ang mga deboto nga modalikyat sa nagkadaiyang kasimbahanan ingon man sa bukid sa Malasag sa Brgy Cugman ug Our Lady of Guadalupe Shrine nga natung-an sa Brgy Tablon,Agusan ug Balubal ning syudad.
Miingon si CDRRMD manager Nick Jabagat nga 24/7 ang ilang ihatag nga pagbantay alang sa mga deboto nga mohimo sa mga pagpamanlandong sugod karong adlawa.
Siya miingon nga istrikto usab nila ipatuman ang mga gabayan ilabina sa mga pagpasulod sa mga kontrabando aron kalikayan ang bisan unsa nga tinubdan sa kagubot ning semana santa.
