CAGAYAN DE ORO CITY – Misaka pa sa kapin gatus ang ihap sa mga armas nga walay lisensya ang natigom sa 603rd Infantry Brigade, sulod sa ilang unom ka bulan nga kampanya batok loose firearms sa Lanao del Sur.
Namahayag si Colonel Wilbur Mamawag, commanding officer sa 603rd Brigade nga bag-uhay lang midugang ang laing 10 ka mga tag-as nga armas nga gi-turnover sa ilang kampo gikan sa lima ka mga Local Government Units sa probinsya.
Kini gilakipan sa upat ka garand rifles, tolo ka M-16 assualt rifles, ug tag-usa ka M1 Carbine, M79 grenade launcher, ug 12 gauge shotgun.
Si Mamawag miingon nga kining mga armas nagsumikad sa Kapatagan, Balabagan, Picong, Malabang ug Marogong.
