(Update) CAGAYAN DE ORO CITY-Misaka pa sa 61 ka kinabuhi nga gilangkuban sa mga teroristang Maute ug tropa sa kasundaluhan ang nakalas sa nagpadayong engkuwentro sa Marawi City,Lanao del Sur.
Kini human gipatuman sa militar ang full scale army operations batok sa nabiling sakop sa mga terorista sa pipila ka brgy sa maong syudad.
Matud ni 1st ID,Philippine Army spokesperson Lt/Col Jo-ar Herera nga 31 sa mga namatay ang mga terorista samtang dugang 6 usab gikan sa kasundaluhan.
Natala usab ang 38 ka sundalo nga samaron sukad nahitabo ang engkuwentro.
Nakuha usab sa militar ang unom ka high powered firearms ug mga bomba.Samtang nadugangan ang ihap sa mga pulis nga namatay ug naangol sa pag-abag sa PNP-ARMM sa militar nga nakig-engkuwentro sa teroristang Maute sa Marawi City,Lanao del Sur.
Kini human dugang police officer ang nakalas samtang laing pulis ang samaron sa padayong pagpuhag sa mga terorista.
Namahayag si PNP-ARMM spokesperson Sr/Insp Marchille Manzano nga libuang pamilya na usab ang nanghikling nga gihatagan nila’g seguridad diin midangop sa pipila ka paryente niini sa Lanao del Sur.
