Misaka pa sa kapin 600 ka pasahero ang na-istranded sa ilang biyahe sa managlahing pantalan sa Northern Mindanao, epekto sa Bagyong Basyang.
Gibutyag sa Philippine Coast Guard (PCG) nga sugod alas 8 sa buntag kutob alas 12 sa udto, wala na silay gipabihaye nga mga roro vessel ug uban pang commercial shipping line tungod sa pagsaka sa balod.
Ang 615 ka pasahero nagsumikas sa pantalan sa Cagayan de Oro, Tagoloan, Ozamis ug pantalan sa Holcim.
Muabot sa 13 ka mga vessels ang wala gipabiyahe ug adunay upat niini ang gihimo shelter area sa mga na-istranded.
Sa kinatibuk-an, ning adlawa ,mukabat sa 4,118 ang naistranded gikan sa siyam ka rehiyon nga adunay mga major ports ang gipahunong ang operasyon human gipaubos sa Wind Signal No. 1 ug 2 ang daghang lugar sa Mindanao ug Visayas.
