CAGAYAN DE ORO CITY-Paimbestigaran karon sa Armadong Kusog sa Nasud nga nadiskobre nga 63 ka peke nga Facebook accounts nga direktang may koneksyon sa teroristang Maute nga utok sa pag-atake sa Marawi City.
Kini human nasubay sa AFP ang pagsilbing aktibo sa mga terorista sa social media kuyog ang ilang suporters ug tigsimpatiya samtang nakigbatok sa tropa sa gobyerno
Gibutyag ni 1st ID,Philippine Army spokesperson Lt/Col Jo-ar Herrera nga ang pagkabulgar sa maong fake FB accounts ang dungan sa pagkadiskobre sa mga tunnel sa mga terorista nga nagsilbi nila nga taguanan samtang hulugan sila’g bomba.
Gibutyag ni Herrera nga hangyoon nila ang National Bureau of Investigation o NBI,National Telecommunication Commission o NTC ug Facebook Phillippines aron mahukasan sa maskara ang anaa sa likod sa mga peke nga social media accounts.
Dumduman nga makapila ka higayon nang nag-upload sa kuha nga vidoes ang mga terorista sa social media lalo na ang ilang pagdagit kang Fr Chito Suganob atol sa paglusob nila sa Marawi City niadtong Mayo 23 ning tuiga.
